Qazaqstandyq tennisshi Elena Rybakina Qytaidaǵy Nanchan WTA týrniriniń jartylai finalyna shyqty, dep habarlaidy "Ult aqparat".
Álemniń 69-raketkasy E.Rybakina shirek finalda dúniejúzilik reitingte 76-orynda turǵan shveitsariialyq Viktoriia Golýbichpen sheberlik baiqasty.
V.Golýbich biyl «Úlken dýlyǵa» týrniriniń biri – Ýimbldon jarysynyń alǵashqy ainalymynda Qazaqstannyń birinshi raketkasy Iýliia Pýtintsevanyń jolyn kesip ketken bolatyn.
E.Rybakina 20-da bolsa, qarsylasy 1992 jylǵy, tájiribesi moldaý edi.
Birinshi partiiada qazaqstandyq tennisshi óz sheberligin kórsete bildi – 6:4.
Ekinshi sette shveitsariialyq sportshy 2:1 esebimen alǵa shyqqanymen, Rybakina qaiyra breik jasap, tarazy basyn teńestirdi. Budan keiin qarsylastar breikpen almasty – 3:3. Golýbich breikpen taǵy alǵa ketti – 4:3. Aqyry ol setti taǵy bir breikpen túiindedi – 6:3.
Úshinshi, sheshýshi partiiada tennisshiler birden qos breikpen almasqannan keiin Golýbich óz geimin alyp, alǵa shyqty – 3:2. Taǵy bir breik – 4:2. Rybakina breik jasaǵanymen, ózi dop bergende, múmkindigin paidalana almady – 3:5. Degenmen qarsylasy matchqa dop bergende, taǵy bir breik jasady – 4:5. Sosyn áiteýir óz geimin alyp, breikpen alǵa shyqty – 6:5. Aqyry matchqa dop bergende, eki márte tor da kómektesip, sáttilik joldas boldy – 7:5.
Tartysty báseke 2 saǵat 23 minýtqa sozyldy.
E.Rybakina jartylai finalda reitingte 132-oryndaǵy qytailyq Pen Shýaimen kezdesedi.
Eske sala keteiik, budan buryn E.Rybakinanyń Nanchan týrniriniń shirek finalyna shyqqanyn, al Iu.Pýtintsevanyń álemniń 3-raketkasy E.Svitolinadan utylyp qalǵanyn jazǵan bolatynbyz.
