قازاقستاندىق تەننيسشٸ ەلەنا رىباكينا قىتايداعى نانچان WTA تۋرنيرٸنٸڭ جارتىلاي فينالىنا شىقتى, دەپ حابارلايدى "ۇلت اقپارات".
ەلەمنٸڭ 69-راكەتكاسى ە.رىباكينا شيرەك فينالدا دٷنيەجٷزٸلٸك رەيتينگتە 76-ورىندا تۇرعان شۆەيتسارييالىق ۆيكتورييا گولۋبيچپەن شەبەرلٸك بايقاستى.
ۆ.گولۋبيچ بيىل «ٷلكەن دۋلىعا» تۋرنيرٸنٸڭ بٸرٸ – ۋيمبلدون جارىسىنىڭ العاشقى اينالىمىندا قازاقستاننىڭ بٸرٸنشٸ راكەتكاسى يۋلييا پۋتينتسەۆانىڭ جولىن كەسٸپ كەتكەن بولاتىن.
ە.رىباكينا 20-دا بولسا, قارسىلاسى 1992 جىلعى, تەجٸريبەسٸ مولداۋ ەدٸ.
بٸرٸنشٸ پارتييادا قازاقستاندىق تەننيسشٸ ٶز شەبەرلٸگٸن كٶرسەتە بٸلدٸ – 6:4.
ەكٸنشٸ سەتتە شۆەيتسارييالىق سپورتشى 2:1 ەسەبٸمەن العا شىققانىمەن, رىباكينا قايىرا برەيك جاساپ, تارازى باسىن تەڭەستٸردٸ. بۇدان كەيٸن قارسىلاستار برەيكپەن الماستى – 3:3. گولۋبيچ برەيكپەن تاعى العا كەتتٸ – 4:3. اقىرى ول سەتتٸ تاعى بٸر برەيكپەن تٷيٸندەدٸ – 6:3.
ٷشٸنشٸ, شەشۋشٸ پارتييادا تەننيسشٸلەر بٸردەن قوس برەيكپەن الماسقاننان كەيٸن گولۋبيچ ٶز گەيمٸن الىپ, العا شىقتى – 3:2. تاعى بٸر برەيك – 4:2. رىباكينا برەيك جاساعانىمەن, ٶزٸ دوپ بەرگەندە, مٷمكٸندٸگٸن پايدالانا المادى – 3:5. دەگەنمەن قارسىلاسى ماتچقا دوپ بەرگەندە, تاعى بٸر برەيك جاسادى – 4:5. سوسىن ەيتەۋٸر ٶز گەيمٸن الىپ, برەيكپەن العا شىقتى – 6:5. اقىرى ماتچقا دوپ بەرگەندە, ەكٸ مەرتە تور دا كٶمەكتەسٸپ, سەتتٸلٸك جولداس بولدى – 7:5.
تارتىستى بەسەكە 2 ساعات 23 مينۋتقا سوزىلدى.
ە.رىباكينا جارتىلاي فينالدا رەيتينگتە 132-ورىنداعى قىتايلىق پەن شۋايمەن كەزدەسەدٸ.
ەسكە سالا كەتەيٸك, بۇدان بۇرىن ە.رىباكينانىڭ نانچان تۋرنيرٸنٸڭ شيرەك فينالىنا شىققانىن, ال يۋ.پۋتينتسەۆانىڭ ەلەمنٸڭ 3-راكەتكاسى ە.سۆيتولينادان ۇتىلىپ قالعانىن جازعان بولاتىنبىز.
