Qazaqstannyń birinshi raketkasy Aleksandr Býblik jańartylǵan reitingide 45-orynǵa kóterildi, dep habarlaidy "Ult aqparat".
A.Býblik óziniń sporttyq jolynda rekordtyq nátijege qol jetkizdi.
Onyń budan burynǵy úzdik kórsetkishi 2020 jyldyń aqpanyndaǵy 47-oryn edi.
Osylaisha ótken aptada Antaliia ATP 250 týrniriniń finalyna deiin jetken A.Býblik birden bes satyǵa (50-den 45-ke) joǵarylady.
Kásipqoi tennisshiler qaýymdastyǵynyń (ATP) reitingisinde burynǵysha serbiialyq Novak Djokovich kósh bastasa, ispaniialyq Rafael Nadal ekinshi, aýstriialyq Dominik Tim úshinshi orynda keledi.
Qazaqstandyqtardan Mihail Kýkýshkin 89-ynshy, Dmitrii Popko 165-ornyn saqtap qaldy.
Juptyq synda M.Kýkýshkin 76-ornynda qaldy. Al Andrei Golýbev pen A.Býblik úsh satyǵa kóterilip, sáikesinshe 85-inshi jáne 89-orynǵa jaiǵasty. Aleksandr Nedovesov 133-satyda tur.
