Qazaqstannyń birinshi, álemniń 56-raketkasy Aleksandr Býblik Gambýrg ATP týrniriniń ekinshi ainalymyna shyqty, dep habarlaidy "Ult aqparat".
Qazaqstandyq tennisshi alǵashqy ainalymda álemniń 44-raketkasy, ispaniialyq Albert Ramospen kúsh synasty.
Budan buryn A.Býblik irikteý saiystarynyń finalynda amerikalyq Tommi Polǵa ese jiberip, negizgi týrnirge óte almai qalǵan edi. Degenmen Rim masters týrniriniń finalisi, argentinalyq Diego Shvartsman Gambýrgke kelmei qaldy da, ornyna qazaqstandyq tennisshi shaqyrtý aldy.
A.Býblik biyl 23-ke tolsa, onyń tájiribeli qarsylasy 32-de edi.
Birinshi partiiada birden breik jasaǵan qazaqstandyq sportshy alǵa shyqty – 2:0. Sol qarqynynan jańylmai, aiqyn basymdylyqpen aiaqtai bildi – 6:2.
Ekinshi sette esep 1:1 bolǵan mezette ispaniialyq tennisshi breik jasap ketti. Býblik te qalyspai, qaiyra breikpen birge óz geimin alyp, alǵa shyqty – 3:2. A.Ramos dop bergende, báseke tartystyraq órbip, Aleksandrdyń taǵy breik jasaityndai múmkindigi boldy. Degenmen ol tai-breikte óz múmkindigin jibermedi – 7:6 (7:5).
Match 1 saǵat 51 minýtqa sozyldy.
A.Býblik júlde qory 1,2 mln eýrodan asatyn dodanyń ekinshi ainalymynda 20 jastaǵy kanadalyq, álemniń 21-raketkasy Feliks Oje-Aliassimmen sheberlik baiqasady. Ol bastapqy kezdesýinde reitingte 46-oryndaǵy italiialyq Lorentso Sonegony 6:2, 7:6 (7:2) esebimen tize búktirdi.
