Melbýrnda 31 qańtarda bastalatyn Gippsland Trophy WTA 500 týrniriniń jerebesi tartyldy, dep habarlaidy "Ult aqparat".
Qazaqstan tennis federatsiiasy málim etkenindei, dúniejúzilik reitingte 81-orynda turǵan Zarina Diias alǵashqy ainalymda álemniń 51-raketkasy, germaniialyq Laýra Zigemýndpen kezdesedi.
Jarystyń 1-raketkasy Simona Halep, sondai-aq Naomi Osaka (2), Elina Svitolina (3), Arina Sobolenko (4), Iohanna Konta (5), Iga Shventek (6), Eliza Mertens (7), Karolina Mýhova (8), Ekaterina Aleksandrova (9) jáne Van Tsian (10) dodany ekinshi ainalymnan bastaidy.
Júlde qory 565 myń AQSh dollaryna baǵalanǵan Melbýrn týrniri 6 aqpanda márege jetedi.
Melbýrnda 31 qańtar – 6 aqpan aralyǵynda Yarra Valley Classic týrniri de ótedi. Bul jarystyń birinshi ainalymynda taǵy bir qazaqstandyq Iaroslava Shvedova álemniń 87-raketkasy, belgiialyq Kirsten Flipkenspen sheberlik baiqasady.
