azaqstandyq, álemniń 83-raketkasy Zarina Diias Melbýrnda WTA Phillip Island Trophy týrniriniń úshinshi ainalymyna shyqty, dep habarlaidy "Ult aqparat".
Qazaqstandyq tennisshi ekinshi ainalymda dúniejúzilik reitingte 96-orynda turǵan rýmyniialyq Ana Bogdanmen kezdesti.
Birinshi partiiada esep 5:3 bolǵan mezette setke dop bergen Diias sol múmkindigin múlt jiberdi. Degenmen setti taǵy bir breikpen támamdady – 6:4.
Ekinshi sette A.Bogdan 3:1 esebimen alǵa ketkenimen, Zarina uzatpai-aq tarazy basyn teńestirdi – 3:3. Áitse de rýmyniialyq tennisshi qaita breik jasady – 5:3.
Z.Diias ta berilmei baqty – 5:5. Biraq A.Bogdan degenine jetti – 7:5.
Match barysynda oń aiaǵyn aýyrsynǵan qazaqstandyq sportshy meditsinalyq kómekke de júgindi.
Úshinshi, sheshýshi partiiada esep 3:2 bolǵan mezette Zarina breik jasai aldy – 4:2. Sosyn qiyndaý órilgen matchty taǵy bir breikpen támamdady – 6:2.
Tartysty báseke 2 saǵat 19 minýtqa sozyldy.
Zarina Diias shirek finalǵa shyǵý úshin álemniń 9-ynshy, osy dodanyń 2-raketkasy, 2019 jylǵy AQSh chempionatynyń jeńimpazy, kanadalyq Bianka Andreeský nemese reitingte 85-satydaǵy amerikalyq Medison Brengldiń bireýimen talasady.
Melbýrn dodasy 19 aqpanda márege jetedi.
