Qazaqstandyq Iýliia Pýtintseva Ábý-Dabi WTA 500 týrniriniń úshinshi ainalymyna shyqty, dep habarlaidy "Ult aqparat".
Álemniń 28-inshi, osy jarystyń 13-raketkasy Iu.Pýtintseva ekinshi ainalymda reitingte 65-orynda turǵan chehiialyq Barbora Kreichikovamen kúsh synasty.
Birinshi partiia barysynda qazaqstandyq tennisshiniń áldeneshe ret breik jasaityndai múmkindigi boldy. Aqyry ol esep 4:4 bolǵan mezette breik jasap, sosyn óz geimin de ala bildi – 6:4.
Ekinshi sette aldymen chehiialyq sportshy 4:1 esebimen alǵa ketti. Degenmen Iu.Pýtintseva tarazy basyn teńestirip qana qoimai, matchty jeńispen aiaqtai aldy – 7:5.
Tartysty ótken báseke eki saǵatqa jýyq ýaqytqa sozyldy.
Iu.Pýtintseva júlde qory 565 530 AQSh dollaryna baǵalanǵan týrnirdiń shirek finalyna shyǵý úshin ótken jylǵy Aýstraliia ashyq chempionatynyń jeńimpazy, álemniń 4-inshi, osy dodanyń 1-raketkasy, amerikalyq Sofia Keninmen kúsh synasady.
