قازاقستاندىق يۋلييا پۋتينتسەۆا ەبۋ-دابي WTA 500 تۋرنيرٸنٸڭ ٷشٸنشٸ اينالىمىنا شىقتى, دەپ حابارلايدى "ۇلت اقپارات".
ەلەمنٸڭ 28-ٸنشٸ, وسى جارىستىڭ 13-راكەتكاسى يۋ.پۋتينتسەۆا ەكٸنشٸ اينالىمدا رەيتينگتە 65-ورىندا تۇرعان چەحييالىق باربورا كرەيچيكوۆامەن كٷش سىناستى.
بٸرٸنشٸ پارتييا بارىسىندا قازاقستاندىق تەننيسشٸنٸڭ ەلدەنەشە رەت برەيك جاسايتىنداي مٷمكٸندٸگٸ بولدى. اقىرى ول ەسەپ 4:4 بولعان مەزەتتە برەيك جاساپ, سوسىن ٶز گەيمٸن دە الا بٸلدٸ – 6:4.
ەكٸنشٸ سەتتە الدىمەن چەحييالىق سپورتشى 4:1 ەسەبٸمەن العا كەتتٸ. دەگەنمەن يۋ.پۋتينتسەۆا تارازى باسىن تەڭەستٸرٸپ قانا قويماي, ماتچتى جەڭٸسپەن اياقتاي الدى – 7:5.
تارتىستى ٶتكەن بەسەكە ەكٸ ساعاتقا جۋىق ۋاقىتقا سوزىلدى.
يۋ.پۋتينتسەۆا جٷلدە قورى 565 530 اقش دوللارىنا باعالانعان تۋرنيردٸڭ شيرەك فينالىنا شىعۋ ٷشٸن ٶتكەن جىلعى اۋسترالييا اشىق چەمپيوناتىنىڭ جەڭٸمپازى, ەلەمنٸڭ 4-ٸنشٸ, وسى دودانىڭ 1-راكەتكاسى, امەريكالىق سوفيا كەنينمەن كٷش سىناسادى.
