Qazaqstan áielder quramasynyń kapitany Iaroslava Shvedova Rim WTA 1000 týrniriniń ekinshi ainalymyna shyqty, dep habarlaidy "Ult aqparat".
Dúniejúzilik reitingte 665-orynda turǵan Ia.Shvedova bastapqy kezdesýin álemniń 97-raketkasy, italiialyq Martina Trevizanmen ótkizdi.
Birinshi partiiada M.Trevizan birde-bir geim bergen joq – 6:0.
Esesine ekinshi sette Ia.Shvedova tai-breikte qarsylasynyń meselin qaiyrdy – 7:6 (7:4).
Úshinshi, sheshýshi partiiada qazaqstandyq tennisshi taǵy da tai-breikte jeńisti julyp aldy – 7:6 (8:6).
Tartysty ótken báseke 2 saǵat 35 minýtqa sozyldy.
Ia.Shvedova júlde qory 1,8 mln AQSh dollarynan asatyn dodanyń ekinshi ainalymynda álemniń 1-raketkasy, aýstraliialyq Eshli Bartimen sheberlik baiqasady.
Jýyrda Madrid jarysynyń irikteý saiysynda M.Trevizandy Zarina Diias ta utqan bolatyn.
