Qazaqstandyq Elena Rybakina Liýksembýrg WTA týrniriniń jartylai finalyna shyqty, dep habarlaidy "Ult aqparat".
Osy jarystyń úshinshi, álemniń 43-raketkasy E.Rybakina shirek finalda reitingte 79-orynda turǵan germaniialyq Laýra Zigemýndpen sheberlik baiqasty.
Birinshi partiiada qazaqstandyq tennisshi qarsylasyna birde-bir geim bergen joq - 6:0.
Ekinshi sette esep 5:4 bolǵan mezette E.Rybakina breik jasap, matchty túiindedi.
Báseke 1 saǵat 9 minýtqa sozyldy.
E.Rybakina finalǵa shyǵý úshin osy týrnirdiń ótken jylǵy jeńimpazy, álemniń 26-raketkasy, taǵy bir germaniialyq Iýliia Gerges nemese reitingte 84-satydaǵy Pýerto-Riko ókili Monika Pýigtiń bireýimen talasady.
Eske sala keteiik, budan buryn E.Rybakinanyń Liýksembýrg dodasynyń (júlde qory - 226,4 myń AQSh dollary) shirek finalyna shyqqanyn jazǵan bolatynbyz.
