Qazaqstannyń birinshi, álemniń 39-raketkasy Iýliia Pýtintseva US Open týrniriniń ekinshi ainalymyna ótti, dep habarlaidy "Ult aqparat".
Qazaqstandyq tennisshi bastapqy kezdesýin dúniejúzilik reitingte 78-orynda turǵan amerikalyq Medison Brenglmen ótkizdi.
Iu.Pýtintseva eki partiiada 6:3, 6:3 esebimen jeńiske jetti.
Báseke saǵat jarymnan astam ýaqytqa sozyldy.
Iu.Pýtintseva ekinshi ainalymda Belarýs eliniń ókilderi, álemniń 13-raketkasy Arina Sobolenko nemese kezinde dúniejúzilik reitingte kósh bastaǵan, qazir 41-satyda turǵan Viktoriia Azarenkonyń birimen kezdesedi.
Eske sala keteiik, budan buryn Mihail Kýkýshkin men Aleksandr Býbliktiń US Open týrniriniń ekinshi ainalymyna shyqqanyn jazǵan bolatynbyz.
