Qazaqstandyq, álemniń 28-raketkasy Iýliia Pýtintseva Adelaida (Aýstraliia) týrniriniń ekinshi ainalymyna shyqty, dep habarlaidy "Ult aqparat".
Osy jarystyń 7-raketkasy bolyp tirkelgen qazaqstandyq tennisshi alǵashqy ainalymda dúniejúzilik reitingte 54-orynda turǵan germaniialyq Laýra Zigemýndpen kezdesti.
Birinshi partiiada Iu.Pýtintseva breik jasap, jeńiske jete aldy – 6:4.
Ekinshi sette esep 2:1 bolǵan mezette qazaqstandyq tennisshi breikke qol jetkizdi. Alaida L.Zigemýnd sol boida qarymta qaiyryp, tarazy basyn teńestirdi – 3:3. Degenmen Iu.Pýtintseva matchty taǵy bir breikpen bitirdi – 6:4.
Birshama tartysty ótken báseke 1 saǵat 49 minýtqa sozyldy.
Iýliia shirek finalǵa shyǵý úshin reitingte 292-satydaǵy aýstraliialyq Storm Senderspen talasady. Ol bastapqy kezdesýinde otandasy, álemniń 74-raketkasy Aila Tomlianovichti 6:1, 6:2 esebimen tize búktirdi.
Álemniń 1-raketkasy, aýstraliialyq Eshli Barti bastaǵan tennisshiler qatysyp jatqan doda 27 aqpanda márege jetedi. Jalpy júlde qory – 535 myń AQSh dollary. Ótken jyly osy týrnirde finalda ýkrainalyq Daiana Iastremskaiany utqan E.Barti chempion atanǵan bolatyn.
