Halyqaralyq tennis federatsiiasynyń (ITF) sheshimimen Federatsiia kýbogy úshin plei-off kezeńindegi Argentina – Qazaqstan matchy belgisiz merzimge keiinge shegerildi, dep habarlaidy "Ult aqparat".
Qazaqstan tennis federatsiiasy málim etkenindei, álemniń segiz elinde 17-18 sáýir kúnderi ótýge tiis plei-off týrniriniń basqa da matchtary keiinge shegerildi.
Týrnirdiń balama merzimderi keiin jariialanatyn bolady.
Sonymen qatar ITF Majarstanda ótýi tiis Federatsiia kýbogynyń finalyn da keiinge qaldyrdy. Halyqaralyq tennis federatsiiasy finaldy ótkizýge nietti. Sol baǵytta múddeli uiymdarmen kelissózder júrgizilýde.
Oǵan qosa koronavirýs indetiniń taralýyna bailanysty Futures seriiasyndaǵy jarystar keminde 20 sáýirge deiin, al Challenger, ATP jáne WTA týrnirleri 2 mamyrǵa deiin ótpeidi.
Sol siiaqty Nur-Sultan qalasynda erler arasyndaǵy chellendj týrniri de aiaqtalmai qaldy.
