Qazaqstannyń birinshi, álemniń 18-raketkasy Elena Rybakina Rolan Garros týrnirin sátti bastady, dep habarlaidy "Ult aqparat".
Parijde ótip jatqan Frantsiia ashyq chempionatynyń 14-raketkasy bolyp tirkelgen E.Rybakina bastapqy kezdesýin reitingte 83-orynda turǵan rýmyniialyq Sorana-Mihaela Kyrstiamen ótkizdi.
Qazaqstandyq tennisshi biyl 21-ge tolsa, tájiribeli qarsylasy 30-da edi.
Birinshi partiiada úsh birdei breikke qol jetkizgen E.Rybakina rýmyniialyq sportshyǵa birde-bir geim bergen joq – 6:0.
Ekinshi sette esep 2:1 bolǵan mezette qazaqstandyq sportshy breikpen alǵa ketti – 3:1. Degenmen rýmyniialyq tennisshi de breik jasap, esepti qysqartty – 3:4. Biraq Rybakina sol boida qarymta qaiyryp, sosyn matchqa dop bergende, qatelesken joq – 6:3.
Báseke 1 saǵat 3 minýtqa sozyldy.
E.Rybakina ekinshi ainalymda álemniń 49-raketkasy, frantsiialyq Fiona Ferro nemese reitingte 56-satydaǵy ulybritaniialyq Hiter Ýotsonnyń bireýimen sheberlik baiqasady.
Búgin qazaqstandyqtardan alǵashqy ainalymda sońǵy bolyp reitingte 76-orynda turǵan Zarina Diias kortqa shyǵady. Ol álemniń 35-raketkasy, Týnis ókili Ons Jabermen synǵa túsedi. Munyń aldynda Iu.Pýtintseva, M.Kýkýshkin jáne A.Býblik te Rolan Garros týrnirin jeńispen bastaǵan bolatyn.
