قازاقستاننىڭ بٸرٸنشٸ, ەلەمنٸڭ 18-راكەتكاسى ەلەنا رىباكينا رولان گارروس تۋرنيرٸن سەتتٸ باستادى, دەپ حابارلايدى "ۇلت اقپارات".
پاريجدە ٶتٸپ جاتقان فرانتسييا اشىق چەمپيوناتىنىڭ 14-راكەتكاسى بولىپ تٸركەلگەن ە.رىباكينا باستاپقى كەزدەسۋٸن رەيتينگتە 83-ورىندا تۇرعان رۋمىنييالىق سورانا-ميحاەلا كىرستيامەن ٶتكٸزدٸ.
قازاقستاندىق تەننيسشٸ بيىل 21-گە تولسا, تەجٸريبەلٸ قارسىلاسى 30-دا ەدٸ.
بٸرٸنشٸ پارتييادا ٷش بٸردەي برەيككە قول جەتكٸزگەن ە.رىباكينا رۋمىنييالىق سپورتشىعا بٸردە-بٸر گەيم بەرگەن جوق – 6:0.
ەكٸنشٸ سەتتە ەسەپ 2:1 بولعان مەزەتتە قازاقستاندىق سپورتشى برەيكپەن العا كەتتٸ – 3:1. دەگەنمەن رۋمىنييالىق تەننيسشٸ دە برەيك جاساپ, ەسەپتٸ قىسقارتتى – 3:4. بٸراق رىباكينا سول بويدا قارىمتا قايىرىپ, سوسىن ماتچقا دوپ بەرگەندە, قاتەلەسكەن جوق – 6:3.
بەسەكە 1 ساعات 3 مينۋتقا سوزىلدى.
ە.رىباكينا ەكٸنشٸ اينالىمدا ەلەمنٸڭ 49-راكەتكاسى, فرانتسييالىق فيونا فەررو نەمەسە رەيتينگتە 56-ساتىداعى ۇلىبريتانييالىق حيتەر ۋوتسوننىڭ بٸرەۋٸمەن شەبەرلٸك بايقاسادى.
بٷگٸن قازاقستاندىقتاردان العاشقى اينالىمدا سوڭعى بولىپ رەيتينگتە 76-ورىندا تۇرعان زارينا ديياس كورتقا شىعادى. ول ەلەمنٸڭ 35-راكەتكاسى, تۋنيس ٶكٸلٸ ونس جابەرمەن سىنعا تٷسەدٸ. مۇنىڭ الدىندا يۋ.پۋتينتسەۆا, م.كۋكۋشكين جەنە ا.بۋبليك تە رولان گارروس تۋرنيرٸن جەڭٸسپەن باستاعان بولاتىن.
