Qazaqstannyń birinshi, álemniń 30-raketkasy Elena Rybakina Hobart (Aýstraliia) WTA týrnirin jeńispen bastady, dep habarlaidy "Ult aqparat".
Osy jarystyń 3-raketkasy bolyp tirkelgen E.Rybakina alǵashqy ainalymda dúniejúzilik reitingte 69-orynda turǵan sloveniialyq Tamara Zidanshekpen kezdesti.
Birinshi partiiada qazaqstandyq tennisshi birden breikpen bastap, óz geimderin de bermei, 3:0 esebimen alǵa ketti. Taǵy bir breik – 5:1. Sosyn setke bergende, óz múmkindigin jibergen joq – 6:1.
Ekinshi sette esep 3:2 bolǵanda, T.Zidanshek breik jasai aldy – 4:2. Degenmen E.Rybakina dereý qarymta qaiyryp, tarazy basyn teńestire bildi – 4:4. Sodan keiin taǵy bir breikten soń match núktesin qoidy – 6:4.
Báseke 1 saǵat 7 minýtqa sozyldy.
E.Rybakina júlde qory 275 myń AQSh dollaryna baǵalanǵan dodanyń shirek finalyna shyǵý úshin álemniń 60-raketkasy, frantsiialyq Alize Kornemen sheberlik baiqasady.
Eske sala keteiik, budan buryn Elena Rybakinanyń úzdik otyz tennisshiniń qataryna kirgenin, al Aleksandr Býbliktiń Adelaida týrniriniń shirek finalyna shyǵa almaǵanyn jazǵan bolatynbyz.
