Búgin jańartylǵan dúniejúzilik reitingte Qazaqstannyń birinshi raketkasy Elena Rybakina 17-orynǵa kóterildi, dep habarlaidy "Ult aqparat".
Buǵan deiin 19-satyda turǵan 20 jastaǵy E.Rybakina Qazaqstan kórsetkishin taǵy bir jańartty.
Iýliia Pýtintseva burynǵy 32-ornynda qalsa, Zarina Diias 63-ten 61-ge joǵarylady.
Reitingte aýstraliialyq Eshli Barti burynǵysha kósh bastasa, rýmyniialyq Simona Halep pen chehiialyq Karolina Plishkova ekinshi, úshinshi orynda keledi.
E.Rybakina men Iu.Pýtintseva búgin Dohadaǵy iri dodada sáikesinshe rýmyniialyq Sorana Kyrstia jáne reseilik Anastasiia Pavliýchenkovamen alǵashqy oiyndaryn ótkizedi. Eger E.Rybakina úshinshi ainalymǵa deiin jetse, E.Bartimen joldary toqailasýy múmkin. Ótken aptada Dýbaida Elena K.Plishkovany tize búktirse, finalda S.Halepke jol bergen bolatyn.
Erler arasynda ótken aptada Marsel týrniriniń jartylai finalyna deiin jetken Qazaqstannyń birinshi raketkasy Aleksandr Býblik 55-ten 47-satyǵa kóterildi. Bul onyń óz sporttyq jolyndaǵy úzdik kórsetkishi bolyp tabylady. Mihail Kýkýshkin 69-dan 89-ǵa syrǵysa, Dmitrii Popko 168-den 167-ge joǵarylady.
Búgin Dýbai jarysynda M.Kýkýshkin reseilik Karen Hachanovpen kezdesse, A.Býblik erteń Polsha ókili Hýbert Gýrkachpen oinaidy.
Úzdik úshtikte burynǵysha serbiialyq Novak Djokovich, ispaniialyq Rafael Nadal jáne shveitsariialyq Rodjer Federer keledi.
Eske sala keteiik, budan buryn M.Kýkýshkin men A.Býbliktiń Dýbaidaǵy qarsylasy anyqtalǵanyn, Iaroslava Shvedovanyń Doha týrniriniń alǵashqy ainalymynan asa almaǵanyn jazǵan bolatynbyz.
