Astana Open ATP 250 týrniriniń tuńǵysh chempiony, aýstraliialyq tennisshi Djon Millman qonaqjailylyq kórsetken qazaqstandyqtarǵa rizashylyǵyn bildirdi, dep habarlaidy "Ult aqparat".
D.Millman týrnirdi uiymdastyrýshylardyń bárine Twitter-degi paraqshasynda alǵys aitty.
«Sizder óte aýqymdy jumys atqardyńyzdar. Alǵash ret ATP deńgeiinde ótken jarysta jeńimpaz atanǵanym úshin baqyttymyn. Qazaqtardyń qonaqjailylyǵy bul jeńisti erekshelei tústi», dep jazdy D.Millman.
Qazirgi kezde reitingide 38-orynda turǵan aýstraliialyq tennisshi Parij masters týrnirine qatysýda. Ol búgin elorda dodasynda baq synaǵan taǵy bir tanymal sportshy, álemniń 42-raketkasy, serbiialyq Miomir Ketsmanovichpen sheberlik baiqasady.
