Qazaqstandyq Denis Evseev ózbekstandyq Denis Istominmen birge juptyq synda elordada ótip jatqan Forte Challenger 100 týrniriniń shirek finalyna shyqty, dep habarlaidy "Ult aqparat".
Qos Denis bastapqy kezdesýin portýgaliialyq Frederiký Ferreira Silva – chehiialyq Tomash Mahachpen ótkizdi.
Birinshi partiiada portýgaliialyq-chehiialyq jup 6:3 esebimen basym tússe, ekinshisinde Evseev pen Istomin ese qaiyrdy – 7:5. Sodan keiin tai-breikte jeńisti julyp aldy – 10:7.
Báseke 1 saǵat 22 minýtqa sozyldy.
D.Evseev pen D.Istomin jartylai finalǵa shyǵý úshin osy jarystyń 4-raketkalary bolyp tirkelgen kanadalyqtar Peter Polanski – Breiden Shnýrmen talasady. Bul ekeýi qazaqstandyqtar Timofei Skatov pen Doshtanbek Tashbolatovty 6:2, 6:1 esebimen ońai jeńdi.
Qazaqstandyqtardyń jekelei synda búgin de joly bolǵan joq. Aldymen D.Evseev ózbekstandyq D.Istominge 7:6 (8:6), 3:6, 3:6 esebimen ese jiberdi.
Taǵy bir qazaqstandyq Dmitrii Popko amerikalyq Ýliss Blanchpen sheberlik baiqasty. Áýeli Ý.Blanch 6:4 esebimen basymdylyq tanytsa, ekinshi sette D.Popko ese qaiyrdy – 6:2. Sheshýshi, úshinshi partiia barysynda D.Popko qarsylasyn qýyp jetkenimen, tai-breikte jeńisti ýysynan shyǵaryp aldy – 6:7 (7:9).
Osylaisha jekelei synda Qazaqstannan D.Tashbolatov qana qaldy. Ol erteń alǵashqy ainalymda osy dodanyń 4-raketkasy, úndistandyq Pradjnesh Gýnnesvaranmen kortqa shyǵady.
