قازاقستاندىق دەنيس ەۆسەەۆ ٶزبەكستاندىق دەنيس يستومينمەن بٸرگە جۇپتىق سىندا ەلوردادا ٶتٸپ جاتقان Forte Challenger 100 تۋرنيرٸنٸڭ شيرەك فينالىنا شىقتى, دەپ حابارلايدى "ۇلت اقپارات".
قوس دەنيس باستاپقى كەزدەسۋٸن پورتۋگالييالىق فرەدەريكۋ فەررەيرا سيلۆا – چەحييالىق توماش ماحاچپەن ٶتكٸزدٸ.
بٸرٸنشٸ پارتييادا پورتۋگالييالىق-چەحييالىق جۇپ 6:3 ەسەبٸمەن باسىم تٷسسە, ەكٸنشٸسٸندە ەۆسەەۆ پەن يستومين ەسە قايىردى – 7:5. سودان كەيٸن تاي-برەيكتە جەڭٸستٸ جۇلىپ الدى – 10:7.
بەسەكە 1 ساعات 22 مينۋتقا سوزىلدى.
د.ەۆسەەۆ پەن د.يستومين جارتىلاي فينالعا شىعۋ ٷشٸن وسى جارىستىڭ 4-راكەتكالارى بولىپ تٸركەلگەن كانادالىقتار پەتەر پولانسكي – برەيدەن شنۋرمەن تالاسادى. بۇل ەكەۋٸ قازاقستاندىقتار تيموفەي سكاتوۆ پەن دوشتانبەك تاشبولاتوۆتى 6:2, 6:1 ەسەبٸمەن وڭاي جەڭدٸ.
قازاقستاندىقتاردىڭ جەكەلەي سىندا بٷگٸن دە جولى بولعان جوق. الدىمەن د.ەۆسەەۆ ٶزبەكستاندىق د.يستومينگە 7:6 (8:6), 3:6, 3:6 ەسەبٸمەن ەسە جٸبەردٸ.
تاعى بٸر قازاقستاندىق دميتريي پوپكو امەريكالىق ۋليسس بلانچپەن شەبەرلٸك بايقاستى. ەۋەلٸ ۋ.بلانچ 6:4 ەسەبٸمەن باسىمدىلىق تانىتسا, ەكٸنشٸ سەتتە د.پوپكو ەسە قايىردى – 6:2. شەشۋشٸ, ٷشٸنشٸ پارتييا بارىسىندا د.پوپكو قارسىلاسىن قۋىپ جەتكەنٸمەن, تاي-برەيكتە جەڭٸستٸ ۋىسىنان شىعارىپ الدى – 6:7 (7:9).
وسىلايشا جەكەلەي سىندا قازاقستاننان د.تاشبولاتوۆ قانا قالدى. ول ەرتەڭ العاشقى اينالىمدا وسى دودانىڭ 4-راكەتكاسى, ٷندٸستاندىق پرادجنەش گۋننەسۆارانمەن كورتقا شىعادى.
