Qazaqstannyń birinshi, álemniń 44-raketkasy Aleksandr Býblik Madrid masters týrniriniń shirek finalyna shyqty, dep habarlaidy "Ult aqparat".
Qazaqstandyq tennisshi úshinshi ainalymda álemniń 27-raketkasy, reseilik Aslan Karatsevpen kúsh synasty.
Birinshi partiiada esep 4:3 bolǵan mezette A.Býblik úsh birei breik-pointyn paidalana almady. Degenmen setbolda mundai múmkindikti múlt jibergen joq – 6:4.
Ekinshi sette áýeli A.Karatsevtiń breik jasaityn múmkindikteri bolǵanymen, oǵan Býblik jol bergen joq. Esesine esep 2:1 bolǵan mezette qazaqstandyq sportshy breik jasai aldy. Sosyn óz geimin alyp, esepti 4:1-ge jetkizdi. Aqyry matchty eispen bitirdi – 6:3.
A.Býblik 1 saǵat 15 minýtqa sozylǵan match barysynda 14 eis jasady.
A.Býblik biyl osymen ekinshi ret masters týrniriniń shirek finalyna shyǵyp otyr. Budan buryn Maiamide de osyndai tabysqa qol jetkizgen edi.
Qazaqstandyq tennisshi júlde qory 2,6 mln eýrodan asatyn aitýly jarystyń jartylai finalyna shyǵý úshin álemniń 5-raketkasy, grekiialyq Stefanos Tsitsipas nemese reitingte 22-satydaǵy norvegiialyq Kasper Rýýdtyń bireýimen talasady.
