Qazaqstannyń birinshi, álemniń 47-raketkasy Aleksandr Býblik Dýbai ATP týrniriniń ekinshi ainalymyna shyqty, dep habarlaidy "Ult aqparat".
Qazaqstandyq tennisshi alǵashqy kezdesýin álemniń 30-raketkasy, Polsha ókili Hýbert Gýrkachpen ótkizdi.
A.Býblik birinshi partiiada 6:2 esebimen basym tússe, ekinshisinde de ústemdik kórsetti – 7:5.
Bul qos qarsylastyń ózara birinshi oiyny edi.
Báseke 1 saǵat 16 minýtqa sozyldy.
A.Býblik júlde qory 2,8 mln AQSh dollaryna baǵalanǵan jarystyń ekinshi ainalymynda álemniń altynshy, osy dodanyń 2-raketkasy, grekiialyq Stefanos Tsitsipas nemese reitingte 27-satydaǵy ispaniialyq Pablo Karreno-Býstanyń bireýimen sheberlik baiqasady.
Eske sala keteiik, budan buryn Iýliia Pýtintsevanyń Doha týrniriniń ekinshi ainalymyna shyqqanyn, Elena Rybakinanyń da jeńispen bastaǵanyn jazǵan bolatynbyz.
