Qazaqstannyń birinshi raketkasy Aleksandr Býblik álemdik reitingide 38-orynǵa kóterildi, dep habarlaidy "Ult aqparat".
Qazaqstan tennis federatsiiasy málim etkenindei, bul osyǵan deiin 40-satyda turǵan tennisshiniń sporttyq jolyndaǵy rekordtyq kórsetkishi bolyp sanalady.
Taǵy bir qazaqstandyq Mihail Kýkýshkin úsh satyǵa (103-ten 100-ge) joǵarylap, úzdik júzdikke qaita endi.
Dmitrii Popko, Aleksandr Nedovesov, Timofei Skatov burynǵy oryndarynda qaldy.
Áielder arasynda Qazaqstannyń birinshi raketkasy Elena Rybakina 22-ornyn saqtap qalsa, Iýliia Pýtintseva 34-ten 35-ke syrǵydy.
Zarina Diias 96-dan 93-satyǵa ornyqty.
Qazaqstan áielder quramasynyń kapitany Iaroslava Shvedova Rim jarysynyń ekinshi ainalymyna ótýi arqasynda 665-ten birden 433-orynǵa kóterildi.
Eske sala keteiik, budan buryn qazaqstandyq tennisshilerdiń Horvatiiadaǵy týrnirdiń finalynda utylyp qalǵanyn jazǵan bolatynbyz.
