«Consolidated Contracting Engineering & Procurement S.A.L. Offshore (SSER)» kompaniiasynyń bas direktory Kaýash Hisham jaǵdaidy retteý úshin Atyraýǵa keldi, dep habarlaidy QazAqparat tilshisi.
Kaýash Hishamnyń áleýmettik jelilerde jariialanǵan beine úndeýinde aitylǵandai, ol Teńiz kentindegi SSER kompaniiasynyń qyzmetkerleri arasyndaǵy janjal týraly bilgen boida birden Atyraý oblysyna attanǵan.
«Qaiyrly kún! Men Eli Daýdtyń is-áreketi úshin barlyǵyńyzdan keshirim suraǵym keledi. SSER basshylyǵy men qyzmetkerleriniń atynan bul kompaniia saiasatyna, qundylyqtary men qaǵidattaryna sáikes kelmeitin keleńsiz oqiǵa bolǵanyn aitqym keledi. Atalmysh jaǵdaidan keiin onymen aradaǵy kelisimshart buzylyp, ol jumystan bosatyldy. Biz osy jaǵdaiǵa qatysty tolyq ishki tergeý jumystaryn júrgizip, qajetti sharalardy qabyldaimyz. Qolymdy júregime qoiyp, kompaniianyń baýyrlas qazaqtarǵa erekshe qurmetpen qaraitynyn aitqym keledi. Men bolǵan jait úshin taǵy da keshirim suraimyn. Osy oqiǵa týraly estigen boida jaǵdaidy retteý úshin dereý Atyraýǵa ushyp shyqtym. Búgingi tańda Teńizdegi jaǵdai turaqty, ólim-jitim, aýyr dene jaraqattary bolǵan joq», - dedi Kaýash Hisham óziniń beine úndeýinde.
Budan buryn habarlanǵandai, 29 maýsym kúni «Teńiz» vahta qalashyǵynda (Jylyoi aýdany Qulsary qalasynan 120 km, Atyraý qalasynan 340 km) «Sohsolited Contracting Endihering and Prourement S.A.L Offshore (CSER)» kompaniiasynyń jumysshylary jumys ýchaskesine jinalyp, Liviia azamaty Eli Daoud-tiń jaqynda WhatsApp jelisiniń profiline ornalastyrǵan fotosýretine narazylyq bildirgen bolatyn.
