Teńiz kenishindegi jumys jalǵasyn tabady. Jaǵdai turaqtalǵan kezde jumysshylar jumysyna oralady. Bul týraly onlain brifingte Atyraý oblysynyń ákimi Mahambet Dosmuhambetov málim etti, dep habarlaidy "Ult aqparat".
Jylyoi aýdanyndaǵy Teńiz kenishi indettiń oshaǵyna ainalǵan. Qazir munda dezinfektsiialyq jumystar júrgizilip jatyr.
«Ken ornynan jumysshylardy shyǵarýdaǵy maqsat – adamdardyń densaýlyǵy men qaýipsizdigin saqtaý. Sol arqyly qaýipti indettiń taralyp ketýine jol bermedik», - dedi oblys ákimi Mahambet Dosmuhambetov.
Ákimniń málimdeýinshe, Teńiz ken ornynan 18,5 myń jumysshy turǵylyqty mekenjaiyna shyǵarylǵan.
«Teńiz ken ornynda jumys toqtap, adamdar jumyssyz qalady degen másele týyndap otyrǵan joq. Kenishtegi jumys jalǵasyn tabady. Mundaǵy ahýal turaqtalǵan soń jumysshylar jumys ornyna oralady», - dedi oblys ákimi.
