Atyraý oblysynda sońǵy eki táýlikte 111 adam koronavirýs infektsiiasyn juqtyrdy, dep habarlaidy "Ult aqparat".
Sońǵy eki táýlikte qaýipti virýsqa shaldyqqandar sany Atyraý qalasy men Teńiz kenishinde kúrt ósken. Máselen, óńirde 22 naýryzda - 48 , al 23 naýryzda 63 naýqas tirkelgen.
Onyń ishinde Atyraý qalasynda eki táýlikte 53 adamnan koronavirýs infektsiiasynyń belgisi anyqtalǵan. Al, Teńiz kenishinde eki táýlikte 36 jumysshy qaýipti indetti juqtyrǵan.
Sondai-aq, eki táýlikte Jylyoi, Qurmanǵazy, Qyzylqoǵa, Isatai aýdandarynyń turǵyndarynan da qaýipti virýs anyqtalyp otyr. Ásirese, Jylyoida -9, al, Qurmanǵazy aýdanynda 11 naýqas tirkelgen.
Qazir 213 patsient úi jaǵdaiynda em alýdy jalǵastyrýda. Oblystyq infektsiialyq statsionarda 33, modýldik statsionarda 78, aýdandardaǵy statsionarlarda 17 naýqas em qabyldaý úshin oqshaýlanǵan. Al, Teńiz ken ornyndaǵy infektsiialyq statsionarda 256 adam emdelip jatyr.
