اتىراۋ وبلىسىندا سوڭعى ەكٸ تەۋلٸكتە 111 ادام كوروناۆيرۋس ينفەكتسيياسىن جۇقتىردى, دەپ حابارلايدى "ۇلت اقپارات".
سوڭعى ەكٸ تەۋلٸكتە قاۋٸپتٸ ۆيرۋسقا شالدىققاندار سانى اتىراۋ قالاسى مەن تەڭٸز كەنٸشٸندە كٷرت ٶسكەن. مەسەلەن, ٶڭٸردە 22 ناۋرىزدا - 48 , ال 23 ناۋرىزدا 63 ناۋقاس تٸركەلگەن.
ونىڭ ٸشٸندە اتىراۋ قالاسىندا ەكٸ تەۋلٸكتە 53 ادامنان كوروناۆيرۋس ينفەكتسيياسىنىڭ بەلگٸسٸ انىقتالعان. ال, تەڭٸز كەنٸشٸندە ەكٸ تەۋلٸكتە 36 جۇمىسشى قاۋٸپتٸ ٸندەتتٸ جۇقتىرعان.
سونداي-اق, ەكٸ تەۋلٸكتە جىلىوي, قۇرمانعازى, قىزىلقوعا, يساتاي اۋداندارىنىڭ تۇرعىندارىنان دا قاۋٸپتٸ ۆيرۋس انىقتالىپ وتىر. ەسٸرەسە, جىلىويدا -9, ال, قۇرمانعازى اۋدانىندا 11 ناۋقاس تٸركەلگەن.
قازٸر 213 پاتسيەنت ٷي جاعدايىندا ەم الۋدى جالعاستىرۋدا. وبلىستىق ينفەكتسييالىق ستاتسيوناردا 33, مودۋلدٸك ستاتسيوناردا 78, اۋداندارداعى ستاتسيونارلاردا 17 ناۋقاس ەم قابىلداۋ ٷشٸن وقشاۋلانعان. ال, تەڭٸز كەن ورنىنداعى ينفەكتسييالىق ستاتسيوناردا 256 ادام ەمدەلٸپ جاتىر.
