Atyraý oblysyndaǵy Teńiz kenishinde koronavirýs juqtyrǵandar sany 160 adamǵa jetti.
Óńirlik jedel shtabtyń habarlaýynsha, búgin Atyraý oblysynda koronavirýs infektsiiasyn juqtyrǵan 226 adam tirkelgen. Sonyń ishinde Teńiz ken ornynda Covid-19 indetiniń taǵy 15 jańa jaǵdaiy tirkeldi. Naýqastar arasynda on er adam jáne bes áiel bar. Olar ken ornynan turǵylyqty jerine jetý daiyndyǵynan ótken jumysshylar. Algoritmge sai, jumys ornynan shyǵar aldynda qyzmetkerlerden analiz alynǵan. PTR diagnostikalyq testileý nátijesinde Covid-19 diagnozy rastaldy.
Qazirgi ýaqytta naýqastardyń jaǵdaiy qanaǵattanarlyq. Bekitilgen hattamaǵa sáikes em alýda.
Naýqastarmen bailanysta bolǵan adamdar anyqtalyp, barlyǵy meditsinalyq baqylaýǵa alynǵan. Infektsiia oshaǵyna dezinfektsiia jumystary júrgizilip jatyr.
Eske sala ketelik, búgin, 6 mamyrda Atyraý oblysynda 226 adamnan COVID-19 indeti anyqtaldy. Onyń ishinde 160 adam - Teńiz ken ornyndaǵy jumysshylar. Qaýipti indetten 78 adam emdelip shyqty.
