Atyraý oblysyndaǵy Teńiz kenishinde 30 jumysshy koronavirýs infektsiiasyna shaldyqty, dep habarlaidy "Ult aqparat".
Oblystyq densaýlyq saqtaý basqarmasy baspasóz qyzmetinen málim etkendei, keshe Atyraý oblysynda 58 adamnan qaýipti indettiń tabylǵany PTR arqyly rastalǵan.
«Koronavirýs infektsiiasyna Atyraý qalasynan 13, sondai-aq, Teńiz kenishinen 30 jumysshy shaldyqty, Al, Jylyoi aýdanynan 10, Qurmanǵazy aýdanynan 5 adamda Sovid-19 belgisi anyqtaldy. Naýqastardyń segizinde infektsiia simptomdy túrde ótýde. Sońǵy málimetke sáikes, keshe koronavirýs infektsiiasynan 9 adam emdelip shyqty», dep habarlady basqarmanyń baspasóz qyzmetinen.
Óńirde 229 adam úi jaǵdaiynda emdelip jatyr. Sondai-aq, oblystyq infektsiialyq statsionarda 49, aýdandardaǵy infektsiialyq statsionarda 6, Teńiz kenishindegi infektsiialyq statsionarynda 229 patsient em qabyldaýda.
