Atyraý oblysyndaǵy Teńiz ken ornynda joba jumysynan 39 myń adam bosatylady. Onyń ishinde 37 myń qazaqstandyq bar, dep habarlaidy QazAqparat.
Jylyoi aýdanynda ornalasqan Teńiz ken ornynda 2016 jyly «Keleshek keńeiý» jobasyn iske asyrý bastalǵan. Bul – elimizde qolǵa alynǵan eń iri jobanyń biri. Osy kezge deiin jobaǵa sáikes qurylys-montajdaý jumystarynyń 82 paiyzy aiaqtalǵan. Qazir jobada 60 myńǵa jýyq adam jumys isteidi. Onyń 5 myńy – sheteldik. Al jobadaǵy qazaqstandyq jumysshylardyń 40 paiyzǵa jýyǵyn atyraýlyqtar qurap otyr.
«Qazir «Teńizshevroil» kompaniiasynyń málimetinshe, «Keleshek keńeiý» jobasyndaǵy qurylys-montajdaý jumystarynyń basym bóliginiń aiaqtalýyna bailanysty biylǵy jyldyń sońyna deiin shamamen 39 myń adamdy bosatý boljanyp otyr. Onyń ishinde Qazaqstan Respýblikasynyń 37 myń azamaty bar. Jumystan bosatylatyn adamdardyń shamamen 40 paiyzyn Atyraý oblysynyń turǵyndary qurasa, ózgeleri elimiziń basqa óńirlerinde turatyn azamattar. Bul másele oblys ákimdiginiń turaqty baqylaýyna alyndy. Byltyrdan beri jumystan bosatylatyny boljanǵan azamattardy eńbekpen qamtýǵa qatysty tiisti jumystar qolǵa alyndy. Atap aitqanda, osy máselege jaýapty organdarmen – Enbek jáne halyqty áleýmettik qorǵaý, Energetika ministrlikterimen, sondai-aq, «Teńizshevroil» kompaniiasy basshylyǵymen ai saiyn kezdesý ótkizilip, aqparattar almasylyp, josparlar pysyqtalyp otyr», - dep habarlady Atyraý oblysy ákiminiń baspasóz qyzmeti.
Belgili bolǵandai, 2021 jyldyń sońyna deiin joba jumystarynan 2 769 adam bosatylǵan. Onyń ishinde jergilikti 1 228 turǵyn bolǵan. Jumystan bosatylǵan arasynan 785 atyraýlyq turaqty jumysqa ornalastyrylǵan. Basqa jobalarǵa 19 adam aýystyrylyp, 2-eýi oqýǵa jiberilgen. Áleýmettik tólemdi 210 adam alyp otyr. áleýmettik tólemder alýda. A, 212 adam óz múmkindigimen basqa jumys tapqan.
«Biylǵy I toqsanda 2 900-den astam adam bosatylady dep boljanyp otyr. Onyń ishinde Atyraý oblysynan 1 270 adam bar. Jumystan bosatylatyn adamdardy jumyspen qamtý jumystary pysyqtalyp jatyr. Atyraý oblysynyń ákimdigi óz tarapynan «Eńbek», «Jumyspen qamtýdyń jol kartasy», «Indýstriialyq-innovatsiialyq damý», «Biznestiń jol kartasy», «Óńirlik damý» jáne ózge de memlekettik baǵdarlamalardy iske asyrý sheńberinde jyl saiyn 12 myńǵa jýyq adamdy jumyspen qamtidy. Sondai-aq, oblysta biyl jáne kelesi jyly iske asyrylatyn iri investitsiialyq jobalar aiasynda 9 myńǵa jýyq adamdy jumyspen qamtý kózdelgen», - dep málim etti ákimdiktiń baspasóz qyzmeti.
