Atyraý oblysyndaǵy Teńiz ken ornynda jumysshy kóz jumdy, dep habarlaidy QazAqparat.
Qaiǵyly oqiǵa keshe, 24 tamyzda saǵat 16:00 shamasynda Jylyoi aýdanyndaǵy Teńiz ken ornynda bolǵan. Bul týraly «Teńizshevroil» JShS basshylaryna habar berilgen.
Aqparatty Teńiz ken ornyn igerip jatqan «Teńizshevroil» JShS-niń baspasóz qyzmeti rastady.
Teńiz ken orny Jylyoi aýdanynda ornalasqan. Ken orny men aýdan ortalyǵy – Qulsary qalasynyń araqashyqtyǵy shamamen 150 shaqyrymdai.
«Merdiger mekeme – «Kaztýrboremont» (Intradel Projects) JShS-niń jumysshysy «Órken» vahtalyq qalashyǵynyń qurylys alańynda qaitys bolǵanyn rastaimyz. Jumysshynyń qaitys bolǵany týraly tiisti memlekettik organdarǵa habarlandy», - dep málim etti kompaniianyń baspasóz qyzmetinen.
Ázirge azamattyń qaitys bolý sebebi aitylǵan joq. Biraq qurylys alańynda pnevmatikalyq synaq júrgizilgen.
Qazir qurylys alańyndaǵy jumys toqtatylǵan. Tekserý júrip jatyr.
Jumysshynyń otbasyna kómek kórsetiledi.
Aita keteiik, Budan buryn Atyraý oblysyndaǵy Teńiz ken ornynda jumysshy asylyp qalǵanyn habarlaǵan edik.
«Senimdi qurylys» JShSniń 28 jastaǵy qyzmetkeri túngi aýysymǵa shyǵyp, jumys ornynda ózine qol jumsaǵan. Onyń denesin birge jumys isteitin áriptesteri taýyp alǵan.
