Atyraý oblysyndaǵy Teńiz ken ornynda karantindik shekteý sharalary kúsheitildi, dep habarlaidy QazAqparat.
Bul týraly Jylyoi aýdanynyń bas sanitar dárigeri T.Habibýllinniń «Teńiz, Prorva, Morskoi ken oryndary aýmaqtarynda jáne Teńizge irgeles basqa da ken oryndarda koronavirýstyq infektsiia aýrýlarynyń aldyn alý jónindegi karantindik sharalardy kúsheitý týraly» qaýlysynda aitylǵan.
«Kólikte, keńselerde, ashanalarda (tamaq ishý ýaqytyn qospaǵanda), turǵyn bloktarda jáne basqa da jabyq óndiristik emes nysandarda betperde kiiý tártibin oryndaýǵa, áleýmettik alshaqtyqty saqtaýǵa, obektilerde sanitariialyq-dezinfektsiialyq rejimdi qamtamasyz etýge qatysty epidemiiaǵa qarsy is-sharalardy jalǵastyrý, naýqastanýy simptomsyz ótip jatqan infektsiia juqtyrǵan tulǵalardy baqylaýǵa arnalǵan oqshaýlaý obektilerinde karantin rejiminiń saqtalýy, vahtalyq kentterdegi karantindik bloktar jumysynyń SOVID-19 naýqastarymen bailanysta bolǵan adamdardy oqshaýlaýǵa arnalǵan talaptarǵa sáikes jalǵasýy qamtamasyz etilsin», - delingen qujatta.
Qaýlyǵa sáikes «Teńiz» ken ornyna bógde kólik quraldarynyń kirýine jáne shyǵýyna tyiym salynǵan. Ilespe qujattamasy joq jáne esebi, olardyń ótý ýaqyty, qozǵalys marshrýty jáne qajet bolǵan jaǵdaida qaitý ýaqyty tirkelmegen kólik quraldarynyń qozǵalysyna jol berilmeidi.
Jańa qaýly qol qoiylǵan kúninen bastap kúshine enedi.
