Batys Qazaqstan oblysynda koronavirýs juqtyrǵan sońǵy úsh naýqastyń bireýi Teńiz ken ornynan kelgen, dep habarlaidy "Ult aqparat".
BQO ákimdiginen alynǵan málimetke qaraǵanda, ol – 1988 jylǵy oblys turǵyny.
Kórshi aimaqtan kelýine bailanysty karantindik statsionarǵa jatqyzylyp, zerthanalyq synama alynǵan.
Úsh adamnyń ekeýi – Túrkistan oblysynyń Reseide jumys jasaityn 1980 jáne 1970 jylǵy turǵyndary. Olar Samara oblysymen shektesetin «Syrym» avtoótkelinen ótken kezde densaýlyqtaryna shaǵymy bolmaǵanmen, algoritmge sáikes jedel járdemmen karantindik statsionarǵa jetkizilgen.
PTR diagnostikalyq zertteý qorytyndysymen úsheýiniń de koronavirýs juqtyrǵany belgili bolyp, oblystyq juqpaly aýrýlar aýrýhanasyna ornalastyryldy.
Naýqastarmen qarym-qatynasta bolǵandar baqylaýǵa alynyp, aýrý oshaqtarynda dezinfektsiialyq jumystar júrgizildi.
Osylaisha BQO-da syrqattanǵandar sany 213-ke jetip, sonyń 59-y saýyǵyp shyqty.
