Qazaqstan qor birjasyndaǵy (KASE) saýda-sattyq nátijesinde dollardyń teńgege shaqqandaǵy baǵasy tómendedi, dep habarlaidy "Ult aqparat".
Qazaqstan qor birjasyndaǵy tańǵy saýdanyń qorytyndysy boiynsha dollar 3 naýryzdaǵy keshki ýaqytpen salystyrǵanda 0,42 teńgege tómendedi, iaǵni, 1 dollar - 419,41 teńgege jetti.
Qazaqstan Ulttyq bankiniń 4 naýryzdaǵy resmi baǵamy boiynsha 1 dollar 419,87 teńgeni qurady.
Aitý kerek, teńge apta basynda aitarlyqtai álsiregenmen qaita nyǵaiý ústinde.
Kurs.kz saitynyń habarlaýynsha, Almatyda aqsha aiyrbastaý oryndarynda dollar 418,75 teńgeden satyp alynady, bir dollar 420,27 teńgeden satylady. Nur-Sultanda - sáikesinshe 418,67 jáne 419,32 teńge.
