«Qazaqstan temir joly» UK» AQ (QTJ) Magistraldyq jeli qyzmeti jol sharýashylyǵynyń barlyq bólimsheleri qar tazalaý jáne arshý tehnikalary kóktemgi sel tasqyny júrýi múmkin tustarǵa shoǵyrlandyryldy, dep habarlady ulttyq kompaniianyń baspasóz qyzmeti.
«Elimizdegi barlyq sý basý qaýpi bar temirjol nysandarynyń boiynda jaýapty adamdardyń táýlik boiǵy kezekshiligi qamtamasyz etilgen. Barlyq temirjol bólimshelerinde magistraldyq jeli men jasandy ǵimarattardyń qalypty jumys jasaýyna qajetti alǵysharttar jasaldy. Kóktemgi qyzyl sý ótetin tustardaǵy qaýipti oryndar, sý shaiyp ketýi múmkin topyraq qabaty, temirjoldyń shyǵa beristeri, buryn búlingen mekenderde barynsha qyraǵy kúzet ornatyldy» delingen kompaniia taratqan habarlamada.
«QTJ» UK» AQ jergilikti aýmaqtyq organdarmen birlesip sý qoimalaryn, aýyl sharýashylyǵy tospalarynyń jaǵdaiyn komissiialyq tekserýden ótkizýde.
Qazirgi kezde Shyǵys Qazaqstan oblysynyń temirjolshylary qyzyl sý ótetin tustardy apatty jaǵdailardan saqtaý úshin barlyq tiisti sharalardy qabyldaýda. 175 shaqyrymdaǵy Turǵysyn-Zyrian qýma joly men Tishinskaia- Ridder baǵdarynyń 325 shaqyrymyndaǵy Gromotýha ózeniniń arnasy arshylýda.
Sonymen qatar temirjol boiynan qasat qar arshylýda. Qar tazalaý maýsymy bastalǵaly beri magistraldyq jol boiynan 250 myń tekshe metr qar syrtqa shyǵaryldy. Temirjol boiyn qar jaldarynan arshý maqsatynda qar arshý jáne tazalaý tehnikalary jumyldyrylǵan.
«Kompaniianyń barlyq óńirlik bólimshelerinde temirjol kópirleri qysqy qaldyqtardan, muzdan tazalanyp, sý júieleri men aryqtar, sý kózderi túgeldei arshylýda. Temirjol boiyndaǵy nysandardy, baǵyttaýysh burmalardy, temirjol tabandaryn tazalaý sý tasqyny qaýpin barynsha azaitýǵa baǵyttalǵan»,-deidi «QTJ» UK» AQ Magistraldyq jeli direktsiiasynyń atqarýshy direktory Baýyrjan Ýáli.
