Temirtaýda kópqabatty úidegi gazdyń "jarylýynan" keiin jedel shtab quryldy. Zardap shekken otbasylar ýaqytsha baspanamen qamtamasyz etiledi, - dep habarlaidy Tengrinews.kz agenttigi.
Temirtaý qalasynyń ákimi Qairat Begimov bir bóligi opyrylǵan 80 páterli kópqabatty úidiń turǵyndarymen kezdesti. Ol zardap shekkenderge páterlerdi qalpyna keltirýge jáne turǵyndardy ýaqytsha baspanaǵa ornalastyrýǵa kómek kórsetiletinin aitty. Tórt otbasy ýaqytsha baspanaǵa muqtaj, qalǵandary týystarynyń úiine ornalastyrylady. Oqiǵa ornynda oblys ákiminiń orynbasary Vadim Basin de júr.
Oqiǵa saldarynan 12 páterdiń terezeleri men kireberis esikteri qiraǵan. Zardap shekken ǵimarattyń barlyq turǵyny evakýatsiialandy. Temirbeton konstrýktsiialardy bólý jumystary jalǵasyp jatyr.
Sondai-aq, tórt adam túrli jaraqatpen aýrýhanaǵa jetkizilgeni belgili boldy. Meditsinalyq kómek kórsetilgennen keiin olardyń úsheýi úiine shyǵarylǵan. Páterinde gaz-aýa jalyny shyqqan 33 jastaǵy er adam aýrýhanada tekserilip jatyr.
"Jedel járdem qyzmetkerleri 1989 jyly týǵan naýqasty jetkizdi. Túsken kezde naýqas esin bilip jatty. Sol jaq aiaq-qol aimaǵyndaǵy aýyrsyný jáne bas jaraqatyna shaǵymdary bar. ÝDZ júrgizildi, ish qýysy músheleriniń zaqymdanýy anyqtalmady. Osy kezeńde kompiýterlik tomografiia, hirýrg, travmatolog, neirohirýrgtyń birlesken tekserýi júrgizilip jatyr", - dedi Qaraǵandy oblysynyń Densaýlyq saqtaý basqarmasynyń baspasóz qyzmeti ókilderi.
