Qaraǵandy oblysy Ekologiia departamenti «Qazgidromet» RMK filialymen birge Temirtaý qalasynda «qara» tústi qar jaýǵany týraly BAQ-ta jariialanǵan aqparatty nazarǵa aldy.
Bul týraly QR Ekologiia jáne tabiǵi resýrstar ministrliginiń Facebook paraqshasynan málim boldy, dep habarlaidy "Ult aqparat".
Ministrlik taratqan málimetterge qaraǵanda, bolǵan jaǵdaiǵa bailanysty tiisti shara qabyldaý maqsatymen Qaraǵandy oblysynyń Ekologiia departamenti «Qazgidromet» RMK filialymen birge «ArselorMittal Temirtaý» AQ sanitarlyq-qorǵaý aimaǵyndaǵy atmosferalyq aýanyń himiialyq quramyn tekserip shyqty.
Sebebi, qaladaǵy negizgi aýany lastaýshy «ArselorMittal Temirtaý» AQ Bolat departamenti ekeni məlim.
Onyń shyǵaryndysy - qala boiynsha jalpy shyǵaryndynyń 83%-i.
Qazgidromet RMK deregine qaraǵanda, 2020 jylǵy 31 qańtar-1 aqpan aralyǵynda jaisyz meteorologiialyq jaǵdai bolǵan (jeldiń bolmaýy).
Qazirde Ekologiia departamenti Arselor Mittal Temirtaýǵa qatysty tekserý júrgizýde. Basqa da iri kəsiporyndar tekserilip, barlyǵynyń nətijesi habarlanatyn bolady. Sondai-aq, Ekologiia departamenti 2019 jylǵy jeltoqsanda «ArselorMittal Temirtaý» AQ jumysyn tekserip, ol boiynsha JEO-Bý-aýa úrleý stansasy men Qyshqyldy konverter tsehyndaǵy óreskel ekologiialyq zańbuzýshylyqty anyqtaǵan edi.
Departament zańnama talabyna sai, «ArselorMittal Temirtaý» AQ-ǵa birneshe milliard ziian keltirý jəne ony belgilengen merzim ishinde joiý týraly uiǵarym bergen.
