Foto: ©️ Tengrinews.kz / Turar Qazanǵapov
Temirtaýda metallýrgiialyq zaýyt janyndaǵy ArcelorMittal jazýy bólshektelip alyndy, - dep habarlaidy Tengrinews.kz saity.
Qarmet kompaniiasynyń jańa qojaiyny Temirtaýdaǵy zaýyt janyndaǵy ArcelorMittal jazýyn alyp tastady. Bólshekteý barysyn qaladaǵy belgili ekologiialyq belsendi Stanislav Voitsehovskii túsirip alǵan.
Áleýmettik jelilerde kompaniia qyzmetkerleri jumys kiiminen ArcelorMittal degen jazýy bar eski jolaqtardy alyp jatqan videolar da tarap jatyr. Qarmet bul ýaqytsha shara ekenin habarlady. Jaqynda kompaniia qyzmetkerleri jańa sapaly jumys kiimderimen qamtamasyz etiledi. Qazirgi ýaqytta dizain ázirlenip jatyr, dep sendirdi kompaniia.
"Áleýmettik jelilerde kompaniianyń burynǵy logotipi bar japsyrmalar arnaiy kiimderden alynyp jatqan beineler tarala bastady. Jaǵdaidyń ártúrli taraýyna jol bermeý úshin bul Qarmet kompaniiasynyń qyzmetkerlerine jańa arnaiy kiim berilgenge deiin barlyq qyzmetkerler úshin ýaqytsha qajettilik ekenin habarlaimyz", - dep habarlady kompaniia.
