video kadry
Temirtaý turǵynynan 2 mln teńge bopsalaǵan er adam ustaldy, dep habarlaidy "Ult aqparat" Polisia.kz Telegram-arnasyna silteme jasap.
IIM baspasóz qyzmetiniń málimetinshe, Politsiia basqarmasyna 34 jastaǵy qala turǵyny aryzdanǵan. Ol er adamnyń ózine kúsh qoldanyp, qorqytý arqyly 2 mln teńge bopsalaǵany týraly habarlaǵan.
"Qaraǵandy oblystyq PD uiymdasqan qylmysqa qarsy kúres basqarmasynyń qyzmetkerleri "Arlan" jaýyngerlerimen birlesip júrgizgen keshendi jedel-izdestirý is-sharalary barysynda 28 jastaǵy er adamdy ustady.
Kúdiktiniń turǵylyqty mekenjaiyna júrgizilgen tintý jumystary kezinde kastet jáne pnevmatikalyq tapansha tárkilendi.
Atalǵan derekke bailanysty Qylmystyq kodekstiń 194-babyna ("Bopsalaý") sáikes qylmystyq is qozǵaldy. Kúdikti ýaqytsha ustaý izoliatoryna qamaldy" - delingen habarlamada.
