Elimizde quramynda esirtki bar preparattardy satýdyń birneshe faktisi anyqtaldy. Bul týraly QR Ishki ister ministrliginiń resmi ókili Nurdildá Oraz málim etti, dep habarlaidy QazAqparat.
«Zańsyz ainalymnan 356 ampýla esirtki zaty, 5 258 tabletka, 173 ampýla psihotroptyq zat, 258 ampýla prekýrsor alyndy. Máselen, Almaty oblysynyń turǵynynan sintetikalyq opioidqa jatatyn 20 tabletka tárkilendi. Atyraý oblysynda mundai 2 fakti anyqtaldy. Bul rette jalpy ainalymnan 3 870 tabletka men 70 quty atropinge jatatyn tamshy alyndy. Dál osyndai fakti Temirtaýda anyqtalyp, dúkende 10 tabletka dárihana dárisin satqan jergilikti turǵyn ustaldy», - dedi Nurdildá Oraz IIM baspasóz alańynda ótken brifing barysynda.
Onyń atap ótýinshe, mundai dári-dármekter adamnyń ómiri men densaýlyǵyna ziiandy áser etetin áseri kúshti zattar tizilimine engizilgen.
«Olardy tasymaldaý jáne taratý boiynsha baqylaý qyzmetin densaýlyq saqtaý organdary júzege asyrady. Al politseiler óz tarapynan mundai faktilerge qatysty azamattardyń shaǵymyna den qoiyp, materialdardy ókiletti organdarǵa berýdi qamtamasyz etedi», - dedi resmi ókil.
