Atmosferalyq aýanyń lastaný deńgeii eń joǵary qalalar qataryna jatatyn Temirtaýda ekologiia máselesi taǵy da kóterildi. Qara tústi qar men qalyń tútinnen aryla almai kele jatqan qalada jaǵdaidy retteý úshin eń tiimdi sharalar qabyldanbaq. Mundaǵy eń iri lastaýshy - «ArselorMittal Temirtaý» AQ.
Kásiporynnyń qorshaǵan ortaǵa shyǵaryndylar kólemin 30%-ǵa azaitýǵa arnalǵan jańa josparyn qarastyrý úshin óńirge QR Ekologiia, geologiia jáne tabiǵi resýrstar ministri Maǵzum Myrzaǵaliev Qaraǵandy oblysyna jumys saparymen bardy.
Temirtaýdaǵy jiynǵa oblys ákimi Jeńis Qasymbek, kásiporyn basshylyǵy jáne ekologtar men qoǵam belsendileri qatysty.
Basqosý qorytyndysy boiynsha, tabiǵatty qorǵaý sharalarynyń oryndalý merzimin qysqartyp, shyǵaryndylar kólemin tómendetý josparyna 2025 emes, 2024 jyly qol jetkizý múmkindigin birlese qarastyrý kelisildi.
«Bul - shyǵaryndylardy azaitý boiynsha qol qoiylǵan ekijaqty Memorandýmnyń aiasyndaǵy jumystyń jalǵasy. Biz sońǵy ret osy jerde «ArselorMittal» basshylyǵymen 20 qańtarda kezdesý ótkizgen bolatynbyz. Sol kezde kompaniia shyǵaryndylardy 30%-ǵa azaitý boiynsha jospardy ázirleýgǵ úsh ai ýaqyt suraǵan edi. Sol sebepti búgin qalanyń ekologiialyq problemalaryn talqylaýǵa qaita jinalyp otyrmyz»,- dedi Maǵzum Myrzaǵaliev.
Oblys ákimi Jeńis Qasymbek 2020 jyly ministrlikpen birge óńirdiń ekologiialyq problemalaryn sheshý boiysha Jol kartasy qabyldanǵanyn atap ótti.
«Jol kartasynda 57 shara qaralsa, onyń 25-i qorshaǵan ortaǵa shyǵaryndylardy azaitýǵa baǵytttalǵan. Jyl saiyn Qaraǵandy oblysy boiynsha atmosferaǵa 590 myń tonna ziiandy zattar shyǵarylady, onyń 40% astamy , iaǵni 247 myń tonnasyTemirtaý qalasynatiesili. Munyń 86%-y «ArselorMittal Temirtaý» AQ zaýytynan shyǵady. (212,3 myń tonna). Zaýyt shyǵaryndylar kólemin tómendetýden bólek, Temirtaýǵa 5 jyl ishinde 500 myń aǵash egedi», - dep aitty J.Qasymbek.
«ArselorMittal Temirtaý» AQ Bas direktory Bidjý Nair tek 2024-2025 jyldarǵa deiin emes, odan keiingi ýaqytta da qorshaǵan ortany qorǵaýǵa qarjy bóline beretini týraly aitty.
«Shyǵaryndylardy azaitýdyń jańa strategiiasyna sáikes, zaýyt balama ekologiialyq sharalardy qoldanady. Aldaǵy 5 jylda qorshaǵan ortany jaqsartýǵa kem degende 380 mln AQSh dollar investitsiia calamyz», - dedi ol.
Qoǵam ókilderi kompaniianyń jurtshylyq aldynda ashyqtyqty qamtamasyz etýine qatysty kemshilikterin atap ótti.
«Temirtaý ekologiiasy – óte mańyzdy másele. Sondyqtan shyǵaryndylardy azaitý jumysy bizdiń qatań baqylaýymyzda bolady. Sonymen birge jergilikti qoǵam belsendileri de ahýaldy nazarda ustaidy. «ArselorMittal» basshylyǵy endi qoǵam ókilderimen toqsan saiyn turaqty túrde kezdesip turady»,- dedi buǵan qatysty Ekologiia ministri.
Eske salsaq, naýryz aiynda ministrliktiń Ekologiialyq retteý jáne baqylaý komiteti kásiporynda jospardan tys tekserý ótkizip, ártúrli kórsetkishter boiynsha normativterdiń ruqsat etilgen normadan asyp ketýine bailanysty aiyppul salǵan. Sonymen birge qorshaǵan ortaǵa keltirilgen zalal 1 mlrd teńgege baǵalanǵan edi.
