QR Indýstriia jáne infraqurylymdyq damý minstrligi «Temir jol kóligin damytý máseleleri boiynsha QR keibir zańnamalyq aktilerine ózgerister men tolyqtyrýlar engizý týraly» zań jobasyn tanystyrdy, dep habarlaidy QazAqparat.
QR Indýstriia jáne infraqurylymdyq damý vitse-ministri Berik Qamalievtiń aitýynsha, temir jol salasyn reformalaýdyń negizgi maqsattarynyń biri - júk tasymalynyń básekege qabiletti naryǵyn qalyptastyrý úshin, magistraldi temir jol jelilerin jeke júk tasymaldaýshylaryna qoljetimdi etý úshin jaǵdai jasaý.
«Osylaisha, ashyq esep pen jolaýshylar tasymaly shyǵyndaryn baqylaýdyń mehanizmi jasalady. Munda biletke tómen tarif ornatý, júk tasymaly esebinen jolaýshylar tasymalyn toǵyspaly sýbsidiialaý, memlekettik biýdjetten jolaýshylar tasymalyn sýbsidiialaý, jolaýshylar vagonyn alýǵa kómektesý syndy birneshe jolaýshylar tasymalyn qoldaý quraldaryn eskeremiz», - dedi Berik Qamaliev QR Ádilet ministrligi Zań jobalyq qyzmet máseleleri boiynsha vedomstvoaralyq komissiia otyrysynda.
Odan bólek, sýbsidiialar men ózge de jolaýshylar tasymalyn qoldaý túrlerin bólý mehanizminiń ashyqtyǵyn kóterý, tasymaldaýshylarǵa ashyq ári ádil qyzmet jaǵdaiyn usyný josparlanǵan.
Atalǵan zań jobasy arqyly Kásipkerlik kodeksine, «Salyqtar jáne ózge de mindetti tólemder týraly» kodekske jáne «Temir jol kóligi týraly» zańǵa ózgerister men tolyqtyrýlar engiziledi.
