Qazaqstan aýmaǵynda usynylǵan ónimderdiń, jumystar men kórsetiletin qyzmetterdiń sapasyna qoǵamdyq baqylaýdy júzege asyratyn «Ulttyq Tutynýshylar Ligasy» ÓQU kommertsiialyq emes, úkimettik emes uiymy tutynýshylar men kásipkerler arasyndaǵy janjaldardyń aldyn alýǵa jáne qaýipsizdikti arttyrýǵa, Qazaqstan halqynyń ómir súrý sapasyn jaqsartýǵa yqpal etedi.
«UTL» ÓQU jala jabý týraly is boiynsha tórt sot talqylaýynda óziniń iskerlik bedelin qorǵap shyqty. Aryzdy Liga Prezidenti S.Iu.Romanovskaianyń ústinen qoǵam belsendisi Jámilia Sadyqova túsirgen bolatyn. Almaty qalasy Almaly aýdanynyń №2 soty Sadyqovanyń jala jabý týraly talabyn qanaǵattandyrýdan bas tartyp, S.Iu. Romanovskaiaǵa sot shyǵyndary esebinen 600 000 teńge kóleminde ótemaqy tóleýge qaýly shyǵardy.
«Bul jaǵdaida eń qundysy – kórip otyrǵanymyzdai – zańdar jumys isteidi, sottar ádil jáne dáiekti. Sadyqovanyń ózi birneshe ret Facebook paraqshasynda, sondai-aq BAQ-taǵy suhbatynda maǵan aiyp taqty. Biraq men sabyrlyq tanytyp, ony sotqa bermedim, onyń tym emotsionaldy adam. Biraq ol meniń ústimnen aryz jazǵanda, men qazaqstandyq tutynýshylardyń ustanymy men suraqtaryn naqty túsindirip, jaýap berdim. Jáne QR soty birneshe instantsiiada meni qoldady. Meniń oiymsha, bul júieni teris paidalanatyn jáne osylaisha ádil, biraq jaǵymsyz suraqtar qoiatyndarǵa psihologiialyq qysym jasai alamyn dep oilaityn adamdardyń aryzdaryn salqynqandy jáne sapaly qaraýdyń jarqyn mysaly», - dep túsindirdi Ulttyq tutynýshylar ligasynyń basshysy Svetlana Romanovskaia.
Anyqtamalyq aqparat. Tutynýshylardan 2022 jyly jumys tártibimen kelip túsken ótinishterdiń nátijesinde «UTL» ÓQU QR Úkimetine aqparat alý týraly ótinishpen júgindi – Tutynýshylardyń kópshiligi dástúrli temekilerdi tutynatynyna qaramastan, qoǵam qairatkeri D.J. Sadyqova usynǵan temekige qarsy sharalardyń kóbi nelikten temeki balamalaryna baǵyttalǵan, al dástúrli temekige qarsy kúresti qatańdatý boiynsha usynystar qarastyrylmaǵan? Tutynýshylardyń ótinishteri arasynda temeki kompaniialarynyń biznes múddelerin qorǵap júr me degen boljamdar da boldy.
«Baiqasańyzdar, adamdar, ásirese jastar barlyq jerde temeki shegedi, aýyldyq jerlerde tipti kóp shegedi. Sondyqtan bizdiń úndeýimizdiń maqsaty balamalarmen nelikten qatty kúresip jatqanyn anyqtaý ǵana emes, sonymen qatar Densaýlyq saqtaý ministrliginiń barlyq kúsh-jigerine qaramastan, jaǵdaiy esh ózgermeitin temeki shegý epidemiiasyna nazar aýdartý bolatyn. Sadyqovanyń pikirinshe, men osy úndeýmen oǵan jala jaýyp, qorlappyn. Ústimnen aryz túskende men tańǵaldym», - dedi Svetlana Romanovskaia.
QR Premer-Ministriniń Keńsesine joldanǵan jáne QR Densaýlyq saqtaý ministrligine jazylǵan hat J.J. Sadyqovaǵanyń qolyna qalai túskeni qyzyq, sonyń saldarynan onyń joǵaryda atalǵan Ministrlikke qandai da bir yqpaly bar ma degen oi týyndaidy.
Sot otyrysy aiaqtalǵannan keiin kelesi suraqtar jaýapsyz qaldy:
- Qoǵam belsendisi sheteldik issaparlarǵa qarjyny qaidan alady, eger sheteldik grant berýshiler esebinen bolsa, olar qaitarymyna ne suraidy?
- Eger Sadyqova hanymnyń qory halyqaralyq saparlarǵa grant alyp júrgen bolsa, onda nege bul uiym sheteldik qarjylandyrýdy alatyn ÚEU tiziliminde joq?
- Osy suraqtarǵa jaýaptar dástúrli temeki ónimderin tutynýmen kúresti múldem elemei, tek tútinsiz ónimge baǵyttalǵan Jámilia Sadyqovanyń belsendi qyzmeti kimge tiimdi ekenin túsinýge múmkindik beredi.
«UTL» ÓQU sondai-aq belsendi Jámilia Sadyqovanyń inoagent retindegi qyzmetin tekserýdi oryndy dep sanaidy, óitkeni qor kimniń esebinen qarjylandyrylatyny belgisiz. BAQ-ta burynyraqta aitylǵan derekter boiynsha jáne Statsnet ashyq derekterine sáikes «Temekisiz» qoǵamdyq qorynyń jyldyq boljamdy kirisi 2021 jyly – 119,8 mln teńge, 2022 jyly – 148,6 mln teńge, 2023 jyly – 86 mln teńge.
«UTL» ÓQU advokaty Mirfaik Áliev, óz kezeginde, onyń quqyqtyq tájiribesinde mundai jaǵdailar kóp kezdesetinin aitty. Adamdar emotsiiaǵa berilip, eshteńege negizdelmegen aiyptaýlardy jariia etedi de, keiin bul sot isine jalǵasady, nátijesinde moraldyq jáne materialdyq ótemaqy tóleýge ákeledi. Jámilia Sadyqovanyń jaǵdaiynda da osy oryn aldy, ony sot Ulttyq tutynýshylar ligasynyń kóshbasshysy Svetlana Romanovskaiaǵa 600 myń teńge tóleýge mindettedi.
«Sondai-aq, Svetlana Iýrevnany ótken sot talqylaýlarynda qorǵaý barysynda men Sadyqova hanymnyń jariia aiyptaýlarynyń tarihyna úńildim jáne baiqaǵanym, qoǵamdyq alańda Sadyqovanyń qoldanystaǵy sharalaryna qarsy kez kelgen syn paida bolsa, ol óz kezeginde aiyptaýlar men qorqytyp-úrkitýge kóship otyrǵan. Eger biz Svetlana Iýrevna aitqan suraqtarǵa jaýaptardy bilsek, onda onyń memlekettik sheneýnikter men halyqtyń tańdaýlylaryn kimniń paidasyna qaralaitynyn biletin bolamyz», – dedi Áliev.
