Parlament Senatynyń jalpy otyrysynda «Eýraziialyq ekonomikalyq odaqqa múshe memleketterdiń temeki ónimderine aktsizder salasyndaǵy salyq saiasatyn júrgizý qaǵidattary týraly kelisimdi ratifikatsiialaý týraly» Zańy qabyldandy, dep habarlaidy QazAqparat.
«Kelisim jobasynda 2024 jyldan bastap indikativtik mólsherleme men odan aýytqý diapazondaryn qoldaný, EEK Keńesine aktsizderdiń indikativtik mólsherlemesin bekitý jáne negizdelgen ekonomikalyq turaqtalyq bolǵan kezde olardy ózgertý boiynsha ókilettikter berý kózdeledi. Aktsizder stavkalaryn jaqyndastyrý 2024 jyldan bastap júzege asyrylatyn bolady. Árbir bes jyl saiyn biryńǵai indikativtik mólsherleme jáne odan aýytqý diapazony belgilenedi», - dedi QR Ulttyq ekonomika ministri Áset Erǵaliev.
Onyń aitýynsha, 2024 jyly sigaretterge qatysty indikativtik mólsherleme 1000 dana úshin 35 eýroǵa ekvivalentti mólsherde ulttyq valiýtada belgilengen.
«Úilesimdilikke qol jetkizý maqsatynda 2024 jyly temekige arnalǵan aktsizderdiń naqty mólsherlemeleri 20 paiyz sheginde indikativtik mólsherlemeden kóp nemese az bolýy múmkin. Zań jobasy temeki ónimderine arnalǵan aktsiz mólsherlemeleriniń ulǵaiýy esebinen biýdjetke qosymsha túsimdi qamtamasyz etedi. Osylaisha, Kelisim Eýraziialyq ekonomikalyq odaqqa múshe memleketterdiń aýmaǵynda temeki ónimderiniń aktsizderin salý salasynda biryńǵai praktika qoldanýdy qamtamasyz etýge múmkindik beredi», - dedi ministr.
