QR Tsifrlyq damý, innovatsiialar jáne aeroǵarysh ónerkásibi ministrliginiń Telegram-boty arqyly áleýmettik tólemaqy alýǵa 800 myńnan astam ótinish berildi. Bul jaiynda atalǵan ministrliktiń baspasóz qyzmetinen málim etti, dep habarlaidy "Ult aqparat".
«Ministrlik 6 sáýirde iske qosqan Telegram-bottardyń kómegimen 42 500 tg áleýmettik tólemdi alýǵa 800 154 ótinish berildi. Jalpy alǵanda, barlyq qoljetimdi servister arqyly azamattardan 2,5 mln ótinish kelip túsken», - delingen vedomstvo aqparatynda.
Aita keteiik, QR Tsifrlyq damý, innovatsiialar jáne aeroǵarysh ónerkásibi ministrligi 42500 teńge áleýmettik tólemin alýǵa ótinim berýge arnalǵan qosymsha arnalardy iske qosqan bolatyn. Ár óńirdiń azamattary óz óńirleri boiynsha ótinim bere alatyn 18 telegram bot quryldy. Bul arnalardyń júktemesin azaityp, ótinim berý ýaqytyn qysqartýǵa múmkindik berdi.
Sondai-aq, egov.kz portalynda ETsQ-ny paidalanbai, SMS arqyly avtorlaný jolymen ótinim berýge bolady. Bergen ótinimińizdiń qaralǵanyn jáne óńdelgenin portaldaǵy jeke kabinetten teksere alasyz. Budan basqa, 42500.enbek.kz servisi arqyly da ótinim qabyldaý jalǵasýda.
