Telegram messendjeri esirtki tutynýdy nasihattaǵan jáne olardy satyp kelgen 56 akkaýnt QR aýmaǵynda buǵattaldy, dep habarlaidy "Ult aqparat". Bul týraly Qazaqstannyń bas kólik prokýrory Ernat Sybanqulov málim etti.
«Kórsetilgen paraqshalarǵa jáne akkaýnttarǵa kirý Qazaqstan Respýblikasynyń búkil aýmaǵynda erkin bolǵan. Sondai-aq, el aýmaǵynda esirtki quraldary men prekýrsorlardy Qazaqstannyń iri qalalaryna jetkizip otyrǵan 4 sheteldik sait jumys istep kelgen. Bul saittardyń kámeletke tolmaǵandar arasynda tanymal jáne olarǵa qol jetimdi ekeni alańdatady», - dep jazdy Ernat Sybanqulov Facebook jelisinde.
Nátijesinde, QR Kólik prokýratýrasynyń bastamasymen Aqparat jáne qoǵamdyq damý ministrliginiń Aqparat komiteti 56 akkaýnt-bottyń qyzmetin zańsyz dep tanyp, olardy buǵattaǵan.
