Zańger Johar Ótebekov áielin aiaýsyz uryp óltirdi dep aiyptalǵan Qýandyq Bishimbaev isi boiynsha sotta prokýratýra qyzmetin synady. Onyń aitýynsha, prokýratýra dálel bola tura, jetkilikti túrde aiyptaý aktisin usyna almai otyr, dep habarlaidy «Ult aqparat» Stan.kz -ke silteme jasap.
29 sáýirde jaryssóz bastalady. Ótebekov Astana qalalyq prokýratýrasy áli aiyptaý qorytyndysyn tolyqtyrmaǵanyn aitty.
“Zańgerler prokýratýranyń aiyptaý qorytyndysynda kisi óltirýdiń erekshe qatigezdigin sipattaǵanyna narazylyqtaryn birneshe ret jetkizdi. Joǵarǵy Sot shyn máninde aiyptaý qorytyndysynda soqqylardy sipattaý jetkiliksiz ekenin aitady. Olardyń uzaqtyǵy men sadizmin ashyq sipattaý kerek.
Bishimbaevtyń telefonyndaǵy videolar aiyptaý aktisin tolyqtyrdy. Biraq prokýratýra oǵan da mán bermei otyr”, – dedi ol.
Ol Bishimbaevtyń qatigezdikpen qylmys jasaǵanyn dáleldeitin tórt nárseni kórsetti.
1. Bishimbaev Saltanatty bir saǵattan astam óltirdi. Foiedegi shabýyl – 07:16. Telefondaǵy sońǵy video – 08:24.
2. Bishimbaevtyń Saltanatty jantúrshigerliktei azaptaǵany málim boldy.
3. Aiyptalýshy áieliniń kiimin jyrtyp tastaǵan. Jalańash kezde biz ózimizdi qorǵansyz sezinemiz. Al Bishimbaev Saltanatty osylai saǵattap mazaq etti.
4. Jábirlenýshi qinalyp mert boldy. Biraq Bishimbaev kómektespedi.
Onyń aitýynsha, munyń bári asa qatigezdikti bildiredi.
“Osyndai jańa faktiler boiynsha memlekettik aiyptaýshy 100% jaǵdaida jańa aiyptaý aktisin jasaidy. Alqabiler sotynda bul mańyzdy! Óitkeni sot otyrysynyń sońynda sýdia alqabilerge suraq qaǵazyn beredi. Bul suraqtar aiyptaý qorytyndysynyń aiasynda bolady.
Eger prokýrorlar ony aitpasa, alqalbiler qalai jaýap beredi? Sýdia kenetten olarǵa osyndai suraqtar qoiatyn bolsa, onda úkimniń kúshi joiylady. Sondyqtan prokýratýra aiyptaý aktisin tolyqtyrýǵa, kisi óltirýdiń jańa ýaqytyn jáne erekshe qatygezdikti sipattaýǵa mindetti”, – dedi Ótebekov.
Sózinshe, eger sot barysynda dáleldi aiqyndaityndai nárse paida bolsa, sýdia isti qaraýdy keiinge qaldyryp, prokýrorǵa ýaqyt berýi kerek.
