«Qazaqtelekom» kompaniiasynyń bas qarjy direktory Ashat Ózbekov Tele2 operatorynyń 49 paiyz aktsiiasyn satyp alýy abonent qaltasyna qalai áser etetinin aitty, dep habarlaidy QazAqparat.
Biyl mamyr aiynyń sońynda «Qazaqtelekom» jáne Tele2 AB Khan Tengri Holding B. V birlesken kásipornyndaǵy Shved mobildi operatorynyń 49% úlesin satyp alý týraly shartqa qol qoiǵan bolatyn.
«Tele-2 Qazaqstandaǵy uialy bailanys naryǵyna úshinshi oiynshy bolyp kirdi. Bul naryqta Kssel jáne Bilain siiaqty myqty oiynshylar bar edi. Men saýda markalaryn saqtaý boiynsha retteýishtiń óte aiqyn talaby bar dep aita alamyn. Tele2 markasy taiaýdaǵy jyldary qalady. Kompaniia strategiiany túbegeili ózgertýdi josparlap otyrǵan joq. Iaǵni, tarif tóńireginde burynǵy baǵa toptamasy qalady dep oilaimyn. Tarifterdi kótermeý týraly talap bar. Meniń oiymsha, tarif tutynýshylardyń múmkindik aiasynda qalady», - dedi Ashat Ózbekov.
