Senator Andrei Lýkin Respýblikalyq biýdjettiń atqarylýyn baqylaý jónindegi esep komitetiniń tóraǵasy Natalia Godýnovanyń atyna joldaǵan depýtattyq saýalynda tekserý komissiialarynyń jumysy boiynsha erejelerdiń buzylǵany týraly aitty, dep habarlaidy QazAqparat.
Senatordyń pikirinshe, qarjyǵa qatysty kóptegen erejelerdiń buzylýy komissiia tóraǵasy men músheleriniń tiisti baqylaýynyń joqtyǵyn kórsetedi jáne zańnama talaptaryn eskermeý saldary bolyp otyr.
«Mekemelerdiń basshylyǵy men memlekettik aýditorlardyń baqylaý-qadaǵalaý fýnktsiialaryn júzege asyrý barysynda josparlaý máselelerinen bastap aýdit jáne qarjylyq baqylaý protsesine deiin zań talaptarynyń eleýli buzylýy oryn alǵanyn taldaý nátijeleri kórsetip otyr», - dedi Andrei Lýkin Senattyń jalpy otyrysynda.
Depýtat oǵan baqylaý-qadaǵalaý fýnktsiialaryn, atap aitqanda, táýekelderdi basqarý júiesin iske asyrý tetikteriniń jetildirilmeýi yqpal etetinin, bul ony is júzinde qoldaný úshin jetkilikti qiyn ári ońailatýdy talap etetinin atap ótti.
Senator tekserý komissiialary shtattaǵy qyzmetkerlerdiń sanyna jáne ol úshin bólinetin qarajatqa qaramastan, biýdjet qarjysy men memleket aktivterin basqarý ári paidalaný tiimdiligin arttyrý jóninde óziniń aldyna qoiylǵan maqsatyna qol jetkizýdi qamtamasyz etýde jetkiliksiz dep qorytyndylady.
