2021 jylǵy 20 shildede Beijińdegi Diaoiýitai rezidentsiiasynda ShYU elderinde áielderge bilim berý jáne kedeilikti azaitý forýmy ótti, dep habarlaidy "Ult aqparat".
Is-shara Shanhai Yntymaqtastyq Uiymynyń qurylǵanyna 20 jyl tolýyna orai Búkilqytai áielder federatsiiasynyń ShYU Hatshylyǵymen birlesip uiymdastyryldy.
Forýmǵa onlain-formatta QR Prezidentiniń janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń tóraiymy Lazzat Ramazanova qatysty.
Pekin forýmynyń pikirtalas alańynyń taqyryby - Pekin deklaratsiiasy men Pekin is-qimyl platformasynyń negizgi mindetterin iske asyrý boiynsha jumystyń basymdyqtarynyń biri retinde áielder arasyndaǵy kedeilikti joiý jáne bilim berý máselesi boldy.
ShYU-ǵa múshe memleketterdiń ókilderi - yqpaldy saiasatker áielder, kóshbasshy áielder, áielder isteri jónindegi ministrler, áielder uiymdary men ShYU-na qatysýshy elder birlestikteriniń basshylary Turaqty damý maqsattaryna jetý jolynda áielderge bilim berý jáne kedeilikti qysqartý boiynsha úzdik tájiribemen almasty.
Ulttyq komissiia basshysy «Qazaqstanda halyqtyń áielder bóliginiń tulǵasynda qundy adami kapitaldy qalyptastyrýǵa múmkindik beretin josparly jumys júrgizilýde. Prezident áielderdi memlekettik jáne qoǵamdyq basqarýǵa, ásirese jergilikti deńgeide óńirlerde belsendi tartý týraly tapsyrma berdi jáne ol eń bastysy bolyp sanalady», - dep atap ótti Lazzat Ramazanova.
Kóptegen "klassikalyq" reitingter sheńberinde Qazaqstan elimizde "áielderdiki" bolyp sanalatyn bilim berý salasyndaǵy neǵurlym myqty pozitsiialardy turaqty kórsetip otyr. 2020 jyly mektep oqýshylarynyń 49%-yn, tehnikalyq jáne kásiptik bilim berý uiymdary oqýshylarynyń 47,3%-yn qyzdar qurady. Elimizdiń 125 joǵary oqý oryndarynda qyzdar men áielderdiń 53% oqidy.
«Bolashaqta tsifrlyq tehnologiialardyń damýy dástúrli túrde "erlerdiki" dep sanalatyn IT-mamandardyń áielder arasynda suranysynyń ósýine yqpal etetin bolady», dep atady Ulttyq komissiia basshysy.
Qazaqstandyq tarap forýmda qaralatyn máseleler boiynsha yntymaqtastyqty nyǵaitýǵa jáne halyqaralyq bastamalardy iske asyrýǵa syndarly úles qosýǵa daiyn ekenin bildirdi.
"Búginde álemge jalpy adamzattyń turaqty damýynyń negizgi alǵysharty retinde bilim berýdi damytý jáne kedeilikpen kúres úshin áielderdi jandandyrý qajet. Qazaqstan óz kezeginde osy maqsattarǵa jetý jolynda ózara tiimdi yntymaqtastyqqa kúsh salady", - dep atap ótti Ramazanova forým qatysýshylaryna.
